Fjármál

Miðflokkurinn í Hafnarfirði ætlar að:

  • greiða niður miklar skuldir sveitarfélagsins og sýna ábyrga fjármálastjórn.
  • hækka tekjuviðmið elli- og örorkulífeyrisþega til að þeir njóti afsláttar á fasteignagjöldum. Hafnarfjörður á að vera leiðandi sveitarfélag hvað þetta varðar.
  • tryggja að ungt fólk sem er að eignast sína fyrstu íbúð njóti tekjutengds afsláttar á fasteignagjöldum til jafns við elli- og örorkulífeyrisþega.
  • lækka fasteignagjöld vegna atvinnustarfsemi.
  • auka íbúalýðræði og gefa íbúum kost á að hafa áhrif á forgangsröðun verkefna, að undangenginni kynningu á þeim, með rafrænum kosningum áður en gengið er frá fjárhagsáætlun hvers árs.


Skólamál

Miðflokkurinn í Hafnarfirði ætlar að:

  • setja nemandann í fyrsta sæti og veita þeim sem þurfa einstaklingsmiðað nám.
  • auka vægi verklegra greina, listgreina og íþrótta í grunnskólum og efla aðgengi elstu bekkja í grunnskóla að verknámi í valgreinum með samstarfi við Tækniskólann í Hafnarfirði.
  • afnema gjald fyrir máltíðir í grunnskólum.
  • efla úrræði fyrir ungt fólk með sérþarfir og auka fjármagn til sérkennslu og stuðnings.
  • stuðla að niðurfellingu heimanáms í grunnskólum.
  • viðurkenna leikskólann sem fyrsta skólastigið og vinna að bættum starfsaðstæðum innan leikskólans í samstarfi við hagsmunaaðila.
  • efla Vinnuskóla Hafnarfjarðar með fjölbreyttu og auknu starfsvali.
  • skoða aukið framlag til foreldra sem þurfa að reiða sig á þjónustu dagforeldra.


Velferðarmál

Miðflokkurinn í Hafnarfirði ætlar að:

  • beita sér fyrir því að í Hafnarfirði verði veitt vönduð geðheilbrigðisþjónusta. Áhersla verður lögð á forvarnir, fræðslu, snemmtæka íhlutun og eftirfylgd á öllum stigum skólakerfis.
  • beita sér fyrir málefnum fatlaðs fólks í sveitarfélaginu m.a. með því að endurskoða fyrirkomulag ferðaþjónustu.
  • skoða hvernig hlúa megi betur að innflytjendum og erlendu vinnuafli í bæjarfélaginu varðandi húsnæði og atvinnumál.
  • beita sér í málefnum húsnæðislausra.
  • beita sér fyrir auknum frístundastyrk barna og jafnvel tekjutengja til að auka jöfnuð milli stétta.
  • stuðla að því að byggðar verði félagslegar íbúðir.


Skipulagsmál

Miðflokkurinn í Hafnarfirði ætlar að:

  • leggja áherslu á uppbyggingu byggingahverfa með hagkvæmt húsnæðisverð að leiðarljósi.
  • fjölga íbúðarúrræðum fyrir aldraða ásamt dvalar- og hjúkrunarheimilum.
  • lækka lóðaverð bæði vegna íbúðalóða og atvinnulóða og einfalda byggingaskilmála.
  • greiða fyrir að stofnuð verði leigu- og sjálfseignarfélög sem ekki eru hagnaðardrifin. Þau munu bjóða upp á íbúðir í langtímaleigu á viðráðanlegu verði.
  • leggja áherslu að tryggt sé í skipulagi að þjónustukjarnar séu fyrir hendi í nýjum og nýlegum hverfum.
  • verja útivistarsvæðin í bæjarlandinu og bæta aðgengi og aðstöðu.
  • auka skógrækt og gróður í bæjarlandinu.
  • beita sér fyrir því að varanleg lausn verði fundin á Hamraneslínu.
  • beita sér fyrir því að framkvæmdir á vegum bæjarins fari í útboð.


Samgöngumál

Miðflokkurinn í Hafnarfirði ætlar að:

  • beita sér af alefli fyrir endurbótum á Reykjanesbraut í gegnum bæinn.
  • hraða sem kostur er framkvæmdum við Ásvallarbraut.
  • auka þjónustu Strætó á álagstímum og auka hlutdeild almenningssamgangna í öllum ferðum bæjarbúa með jákvæðum hvötum.
  • sjá til þess að bærinn og götur hans verði markvisst og reglulega þrifnar m.a. til að sporna við svifryksmengun.
  • auka snjómokstur og söndun á fjölnota stígum á vetrum.
  • auka fjármagn í viðhald gatna í bæjarfélaginu.
  • stuðla að auknum hraðhleðslustöðvum fyrir rafbíla.


Hafnarmál

Miðflokkurinn í Hafnarfirði ætlar að:

  • skoða kosti og galla varðandi sameiningu við Faxaflóahafnir með það að markmiði að auka umferð um höfnina.
  • beita sér fyrir frekari vexti m.a. með stækkun á höfninni í Straumsvík.
  • gera gangskör að því að snyrta og lagfæra bryggjusvæði við Norðurbakka.


Íþrótta- og lýðheilsumál

Miðflokkurinn í Hafnarfirði ætlar að:

  • láta gera óháða og faglega úttekt á þörfum nýrra íþróttamannvirkja allra greina íþrótta.
  • tryggja að einstaklingar undir lögaldri og námsmenn með lögheimili í Hafnarfirði fái frítt í sund.
  • beita sér fyrir hærri frístundastyrk barna vegna íþrótta- og tómsdundaiðkunar.
  • beita sér fyrir auknu félagsstarfi fyrir ungt fólk og styðja við fjölskylduvæna afþreyingu.
  • bæta aðstöðu hundaeigenda með nýtt útivistarsvæði í huga.